ՎԶԵԲ-ի առաջին փոխնախագահը այց կկատարի Ադրբեջան

Վերակառուցման և զարգացման եվրոպական բանկի (ՎԶԵԲ) առաջին փոխնախագահ, հաճախորդների սպասարկման խմբի ղեկավար Յուրգեն Ռիգտերինքն այս շաբաթ կայցելի Ադրբեջան։

Caliber.Az-ը հայտնում է, որ այսօր մեկնարկում է Յուրգեն Ռիգտերինքի մեկշաբաթյա այցը Հարավային Կովկաս։

Ադրբեջանում նա կմասնակցի՝ տեխնիկական ու մասնագիտական կրթության և կադրերի վերապատրաստման ոլորտում պետական-մասնավոր համագործակցության մեկնարկին, որը կազմակերպել է Մասնագիտական կրթության պետական գործակալությունը, որն ուղղված է սննդի արդյունաբերության մեջ մարդկային ռեսուրսների ամրապնդմանը:

Ընդհանուր առմամբ, երկրներից յուրաքանչյուրում այցի ընթացքում ակնկալվում են հանդիպումներ՝ պետական պաշտոնյաների, կենտրոնական բանկերի ղեկավարների, բիզնեսի առաջնորդների և միջազգային ֆինանսական կազմակերպությունների ներկայացուցիչների հետ։