Փաշինյանը կրկին նախապայման է դնում Ադրբեջանի հետ երկաթուղային կապի վերականգնման համար

Հայաստանը պատրաստ է սկսել Նախչըվանով Մեղրի անցնող երկաթուղու վերականգնումը, երբ կողմերի մոտեցումները համընկնեն։

Ինչպես հայտնում է Caliber.Az-ը՝ հղում անելով հայկական լրատվամիջոցներին, այս մասին ՀՀ խորհրդարանում հայտարարել է վարչապետ Նիկոլ Փաշինյանը՝ մեկնաբանելով Տարածաշրջանի տրանսպորտային հաղորդակցությունների ապաշրջափակման հանձանաժողովի եռակողմ աշխատանքային խմբի նիստը:

Դեկտեմբերի 6-ին Մոսկվայում տեղի է ունեցել եռակողմ աշխատանքային խմբի 11-րդ հանդիպումը՝ Հայաստանի, Ռուսաստանի և Ադրբեջանի փոխվարչապետներ Մհեր Գրիգորյանի, Ալեքսեյ Օվերչուկի և Շահին Մուստաֆաևի համանախագահությամբ։

Ըստ Հայաստանի վարչապետի, չի կարելի ասել, որ կողմերը ինչ-որ արդյունքի են հասել, սակայն կարելի է հաստատել, որ հայկական կողմը շահագրգռված է այս ծրագրի իրագործմամբ և պատրաստ է օր առաջ սկսել երկաթուղու իր հատվածների վերականգնումը: