Քաղաքագետ Ասատրյան. ԵԱՀԿ Մինսկի խումբը շահագրգռված չէր հայ-ադրբեջանական հակամարտության կարգավորմամբ

«30 տարի շարունակ ԵԱՀԿ Մինսկի խումբն իրեն դրսևորել է որպես ամենաանարդյունավետ ինստիտուտը»:

Ինչպես հայտնում է Caliber.Az-ը, այս մասին ֆեյսբուքյան իր էջում հակամարտող ժողովուրդներին ուղղված տեսաուղերձում հայտարարել է քաղաքագետ Սարգիս Ասատրյանը։

«Լինելով հայ՝ ես բազմիցս խոսել եմ Հայաստանի և Ադրբեջանի միջև հակամարտության մասին։ ԵԱՀԿ Մինսկի խմբի համանախագահների ինստիտուտը ամեն անգամ նոր պահանջներ էր ներկայացնում՝ որպեսզի այս հակամարտությունը չլուծվի։ 30 տարվա ընթացքում այս ինստիտուտը իրեն դրսևորել է որպես ամենաանարդյունավետ կառույց։ Թող չնեղանան համանախագահները՝ ի դեմս ԱՄՆ-ի, Ֆրանսիայի ու Ռուսաստանի, բայց սա փաստ է։ Փաստ, որը կարող են հաստատել թե՛ հայ, թե՛ ադրբեջանցի օբյեկտիվ փորձագետները։

Հիմա նորից ուզում եմ ասել, որ հակամարտությունները լուծելու համար պետք է երկխոսություն, պետք է այս երկխոսության ինստիտուտները ստեղծել առանց միջնորդների, և այդ դեպքում ցանկացած հակամարտություն կարող է լուծվել։ Չկա հակամարտություն, որը լուծում չունենա: Պարզապես պետք է հեռացնել հակամարտությամբ հետաքրքրվածներին»,- ասել է քաղաքագետը։