Քաղաքագետ Սուրենյանց. Փաշինյանի՝ Ադրբեջանին գյուղերը վերադարձնելու մասին խոսելուց հրաժարվելը պատերազմի կբերի

«Կցանկանայի ուշադրություն հրավիրել՝ Մեծ Բրիտանիայի պաշտպանության փոխնախարար Ջեյմս Հեպպիի հայտարարության մի քանի ասպեկտների վրա։ Այնտեղ իրական ոչինչ չի ասվում, հատկանշական է նաև, որ նշվում են միայն Ռուսաստանից բխող մարտահրավերները, ոչինչ չի ասվում Թուրքիայից և Ադրբեջանից բխող մարտահրավերների մասին։ Ես բազմիցս ասել եմ, որ Արևմուտքի հիմնական խնդիրը Ռուսաստանին և Իրանին դուրս մղելն է, այլ ոչ թե Հայաստանի անվտանգության իրական խնդիրները լուծելը»։

Ինչպես հայտնում է Caliber.Az-ը, այս մասին հայկական ԶԼՄ-ներին տված հարցազրույցում ասել է քաղաքագետ Սուրեն Սուրենյանցը։

«Ինչ վերաբերում է Հայաստանի իշխանությունների հայտարարություններին ՀԱՊԿ-ի սառեցման վերաբերյալ, ես բազմիցս ասել եմ հարցազրույցներում, որ անհանգիստ աշխարհում անհնար է կտրուկ շրջադարձեր կատարել արտաքին քաղաքականության մեջ, դա կբերի անկանխատեսելի հետևանքների։

Նշեմ եմ, որ մեզ անընդհատ ասում էին, որ եթե բանակցությունները ռուսական հարթակից տեղափոխենք արևմտյան հարթակ, ճնշում կգործադրեն Ադրբեջանի վրա, և վերջինս ագրեսիվ չի լինի։ Հիմա մենք տեսնում ենք ճիշտ հակառակը, Ադրբեջանն այս պահանջը (Գազախի շրջանի 4 գյուղերը վերադարձնել-խմբ.) հնչեցրել է անմիջապես Բեռլինից հետո։

Շատ ծանր իրավիճակ է ստեղծվել, մենք հասկանում ենք, որ Հայաստանը դիմադրելու ռեսուրս չունի, քանի որ Արևմուտքը, հայտարարություններից զատ, ոչինչ չի անում, և երկրորդը՝ ես վախենում եմ, որ Նիկոլ Փաշինյանը պատասխանատվությունից ազատվելու համար. չի բանակցելու այս հարցի շուրջ՝ առաջ բերելով այն կրիտիկական կետը, որ նորից ամեն ինչ կորոշվի հայ զինվորների կյանքի գնով։

Այսինքն՝ ես վախենում եմ, որ այս պահանջից հետո նա ինչ-որ հրաշքներ սպասի Արևմուտքից, իհարկե, դրանք չեն իրականանա, և ամեն ինչ կավարտվի նրանով, որ մենք կկորցնենք և՛ տարածքներ, և՛ մարդկային կյանքեր, և միգուցե այլ բան ևս»,- ասել է Սուրենյանցը։