Հաջիզադեն՝ Օլդին. Ձեր պնդումներում արդարություն և անաչառություն չկա

Ադրբեջանում մամուլը նույնքան ազատ է, ժողովրդավարական, կայուն և բարգավաճ, որքան Մեծ Բրիտանիայում:

Ինչպես հայտնում է Caliber.Az-ը, այս մասին X սոցիալական ցանցում գրել է Ադրբեջանի ԱԳՆ մամուլի քարտուղար Այխան Հաջիզադեն՝ ի պատասխան Ադրբեջանում Մեծ Բրիտանիայի դեսպան Ֆերգուս Օլդի հայտարարությանը։

Նա նշել է, որ Ֆերգուս Օլդի խոսքերում բացակայում են արդարությունն ու անաչառությունը։ «Դեսպան, Ձեր պնդումները զուրկ են արդարությունից և անաչառությունից։ Դրանք կենտրոնացած են նեղ հեռանկարի վրա, որը չի ներառում համակողմանի դիտարկում Ադրբեջանում ԶԼՄ-ների ազատության նկատմամբ»,- ասվում է հրապարակման մեջ:

Հիշեցնենք, որ Ֆերգուս Օլդը X-ի իր էջում նշել էր, որ Ադրբեջանում լրատվամիջոցների աշխատանքը սահմանափակվում է։