Պետդեպարտամենտ. ԱՄՆ-ը հավատարիմ են ադրբեջանա-հայկական խաղաղության օրակարգին

Միացյալ Նահանգները, ինչպես միշտ ընդգծել է պետքարտուղար Էնթոնի Բլինքենը, հավատարիմ են Հայաստանի և Ադրբեջանի միջև խաղաղ բանակցություններին։

Ինչպես հայտնում է Caliber.Az-ը, այս մասին հերթական ճեպազրույցում հայտարարել է Պետդեպարտամենտի մամուլի քարտուղար Մեթյու Միլլերը՝ մեկնաբանելով հայ-ադրբեջանական պայմանական սահմանին տեղի ունեցած վերջին միջադեպը։

Նա մտահոգություն է հայտնել ռազմական բախումների մասին լուրերի առնչությամբ, որոնք հանգեցրել են զոհերի։

«Ուժի կիրառումը խաթարում է բանակցությունները. Ամուր խաղաղության միակ ճանապարհը բանակցությունների սեղանն է: Հրադադարի ռեժիմի խախտումները պետք է հետաքննվեն և համապատասխան միջոցներ ձեռնարկվեն»,- ընդգծել է Մ.Միլլերը։