Նեպալի նախագահը կայցելի Ադրբեջան

Նեպալի նախագահ Ռամ Չանդրա Պոդելը ծրագրում է այցելել Ադրբեջան՝ մասնակցելու COP29 համաժողովին, որը կանցկացվի նոյեմբերի 11-22-ը Բաքվում։
 
Ըստ Report-ի՝ այս մասին հայտարարել է անտառտնտեսության և շրջակա միջավայրի նախարար Այնա Բահադուր Շահի Թակուրին։
 
«Նեպալը ներկայացված կլինի ամենաբարձր մակարդակով COP29-ում, մեր երկրի պատվիրակությունը կգլխավորի նախագահ Պոդելը»,- ասել է նա:
 
Նրա խոսքով, կառավարությունը որոշել է բարձր մակարդակի մասնակցություն ապահովել համաժողովին, որպեսզի ընդգծի այս միջոցառման նշանակությունը իշխանությունների համար։
 
Նշվում է նաև, որ համաժողովը կարևոր նշանակություն կունենա՝ կառավարության կողմից կլիմայական նպատակներին հասնելու որոշումների ընդունման և իրականացման գործում։