Ֆրանսիան Հարավային Կովկասում հրահրում է զինված դիմակայության հերթական փուլ. ՌԴ ԱԳՆ
Փարիզը Հարավային Կովկասում հրահրում է զինված դիմակայության հերթական փուլ:
Ինչպես հայտնում է Caliber.Az-ը, այս մասին հայտարարել է ՌԴ ԱԳՆ մամուլի ծառայության ղեկավար Մարիա Զախարովան՝ մեկնաբանելով Ֆրանսիայից Հայաստան ռազմական տեխնիկայի մատակարարման պայմանագիրը։
«Սա ևս մեկ քայլ է: Մենք խոսել ենք այս մասին, և կրկին դուք տեսնում եք դրա ապացույցը։ Ֆրանսիայի ղեկավարությունը չի առաջնորդվում ոչ Հայաստանի, ոչ էլ կոնկրետ ժողովրդի շահերով։ Փարիզը ձգտում է երկրների ներսում կամ երկրների միջև առկա տարաձայնությունները, հակասություններն օգտագործել որպես գործիք՝ սեփական պատեհապաշտ նպատակներին հասնելու համար։ Ես նկատի ունեմ ոչ միայն Ելիսեյան պալատի անձնական շահը, այլև Ֆրանսիան՝ որպես ՆԱՏՕ-ի գաղափարախոսության դիրիժոր։ Ինձ թվում է, որ հենց այդպես էլ պետք է վերաբերվել դրան», - նշել Է Զախարովան։