Գաֆարովան ու Սիմոնյանը կհանդիպեն հոկտեմբերին

Հայաստանի խորհրդարանի նախագահ Ալեն Սիմոնյանը և Ադրբեջանի խորհրդարանի նախագահ Սահիբա Գաֆարովան հոկտեմբերին կհանդիպեն Ժնևում` քննարկելու երկրների միջև խաղաղ կարգավորման հարցը:

Այս մասին հայտնում է РИА Новости-ն՝ հղում անելով Միջխորհրդարանական միության (ՄՄՄ) մամուլի քարտուղար Թոմաս Ֆիցսիմոնսին։

«Հոկտեմբերի 13-ից 17-ը Ժնևում Միջխորհրդարանական միության 149-րդ վեհաժողովի շրջանակում տեղի կունենա Հայաստանի և Ադրբեջանի խորհրդարանների նախագահների երրորդ երկկողմ հանդիպումը»,- ասել է նա։

Նրա խոսքով՝ հանդիպման ստույգ ժամկետը դեռ չի հաղորդվում։ Ֆիցսիմոնսը նաև նշել է, որ այս հանդիպումը պետք է ծառայի տարածաշրջանում խաղաղության հաստատմանը։

Հայաստանի և Ադրբեջանի օրենսդիր մարմինների ղեկավարները մինչ այդ հանդիպել են մայիսի 16-ին։