Ֆիլիպինների նախագահ. Մենք պատրաստ ենք աշխատել Ադրբեջանի հետ գլոբալ խնդիրները լուծելու համար

Ֆիլիպինների նախագահ Ֆերդինանդ Ռոմուալդես Մարկոսը շնորհավորական նամակ է հղել Ադրբեջանի նախագահ Իլհամ Ալիևին։

Ինչպես հայտնում է Caliber.Az-ը, նամակում ասվում է. «Ձերդ գերազանցություն, Ֆիլիպինների ժողովրդի և կառավարության անունից Ձեզ եմ փոխանցում իմ ամենաանկեղծ շնորհավորանքները Ադրբեջանի ազգային տոնի՝ Անկախության օրվա կապակցությամբ։

Անցած երեք տասնամյակների ընթացքում Ֆիլիպինների և Ադրբեջանի միջև հաստատվել են անկեղծ հարաբերություններ։ Հավատում եմ, որ առաջիկա տարիներին մեր պետությունները կշարունակեն բարեկամական կապերը։

Ֆիլիպինները պատրաստ են աշխատել Ադրբեջանի հետ ընդհանուր մտահոգություն առաջացնող այնպիսի գլոբալ խնդիրների լուծման ուղղությամբ, ինչպիսիք են կլիմայի փոփոխությունը, էներգետիկ անվտանգությունը և հետհամաճարակային վերականգնումը»: