Իլհամ Ալիևը մասնակցել է գյուղատնտեսության նախարարության նոր վարչական շենքի բացմանը

Տարեգրություն  06 Հունիսի 2023 - 17:09

Բաքվում շահագործման է հանձնվել ԱՀ գյուղատնտեսության նախարարության նոր վարչական շենքը։

«Ազերթաջ»-ի փոխանցմամբ՝ բացմանը մասնակցել է Ադրբեջանի Հանրապետության նախագահ Իլհամ Ալիևը։

Խաթայիի շրջանում կառուցված նոր շենքն ուշադրություն է գրավում իր ժամանակակից ճարտարապետությամբ։

Շենքի մասին երկրի ղեկավարին տեղեկացրել է գյուղատնտեսության նախարար Մաջնուն Մամեդովը։

Նշվել է, որ շենքի շինարարությունը սկսվել է 2017 թվականին և ավարտվել այս տարվա հունիսին։ Շենքը նախատեսված է մոտ 500 աշխատակցի համար։ Նախարարության ապարատի հետ միասին այնտեղ կտեղակայվեն Վարկավորման և զարգացման ագրարային գործակալությունը, Գյուղատնտեսական հետազոտությունների կենտրոնը, Գյուղատնտեսական նորարարությունների կենտրոնը և «Ագրարային զարգացման կամավորների» կազմակերպությունը:

12 մետր բարձրությամբ ճեմասրահում ներկայացված է «Հավերժություն» կոմպոզիցիան, որի հեղինակը նկարիչ-քանդակագործ Ռաշադ Մեհդիևն է։

Ընդգծվել է, որ այստեղ ստեղծվել է նաև համազգային առաջնորդին նվիրված «Հեյդար Ալիև-100» հատուկ անկյուն։

Նշենք, որ գյուղատնտեսության ոլորտին ցուցաբերվող պետական աջակցության ուժեղացումը, գյուղատնտեսության ապահովագրության մեխանիզմի կիրառումը դրական են ազդում գյուղատնտեսության ոլորտի դինամիկ զարգացման վրա։ Արդյունքում՝ 2022 թվականին Ադրբեջանում գյուղատնտեսական արտադրանքի ծավալն աճել է 3,4 տոկոսով։

Caliber.Az

Դիտումներ: 36