Մոսկվայում տեղի կունենա Ադրբեջանի և Ռուսաստանի ԱԳՆ ղեկավարների հանդիպումը

Մոսկվայում տեղի կունենա՝ Ադրբեջանի և Ռուսաստանի արտաքին գործերի նախարարներ Ջեյհուն Բայրամովի և Սերգեյ Լավրովի երկկողմ հանդիպումը։

Ինչպես հաղորդում է Caliber.Az-ը՝ վկայակոչելով ՌԴ ԱԳՆ-ի աղբյուրին, հանդիպումը կկայանա դեկտեմբերի 5-ի առավոտյան։

Դեկտեմբերի 5-ին Մոսկվայում տեղի կունենա մերձկասպյան երկրների արտգործնախարարների հանդիպումը։ Ադրբեջանի, Ռուսաստանի, Իրանի, Ղազախստանի և Թուրքմենստանի արտաքին քաղաքական գերատեսչությունների ղեկավարները նախ կհանդիպեն սահմանափակ կազմով, այնուհետև պատվիրակությունների հետ՝ ընդլայնված կազմով։