Իրանի ԱԳՆ. Ադրբեջանի դեսպանատան վրա հարձակումը ողբերգական իրադարձություն էր

«Իրանի դատական համակարգում դատավճիռն ի կատար ածելու համար պետք է ավարտվեն բոլոր համապատասխան ընթացակարգերը։ Այս հարցը լուծվում է հատուկ բողոքի հիման վրա»։

Ինչպես հաղորդում է APA-ն, այս մասին Բաքվում լրագրողներին ասել է Իրանի արտաքին գործերի փոխնախարար, Քաղաքական և միջազգային հետազոտությունների կենտրոնի (IPIS) ղեկավար Սաիդ Խատիբզադեն։

«Ադրբեջանի դեսպանատան վրա հարձակումը ողբերգական իրադարձություն էր։ Այս միջադեպից հետո և՛ ոստիկանությունը, և՛ դատական համակարգը լայնածավալ հետաքննություն անցկացրեցին։ Այս իրադարձությունը տհաճ միջադեպ դարձավ երկու ժողովուրդների համար։ Սակայն, չնայած դրան, իրավիճակը նպաստեց երկու ժողովուրդների մերձեցմանը։ Երկու կողմերն էլ քայլեր ձեռնարկեցին հարաբերությունները վերականգնելու համար։

Որպեսզի դատավճիռը ի կատար ածվի Իրանի դատականհամակարգում, պետք է ավարտվեն բոլոր համապատասխան ընթացակարգերը։ Այս հարցը լուծվում է հատուկ բողոքի հիման վրա, և Իրանում Ադրբեջանի դեսպանատունը հետևում է դրան։ Վստահ եմ, որ արդարությունը կհաղթանակի, և դատավճիռը կյանքի կկոչվի»։