ԱՄՆ-ն և ՆԱՏՕ-ն քննարկել են Ադրբեջանի հետ անվտանգության ոլորտում համագործակցությունը

ԱՄՆ գործերի ժամանակավոր հավատարմատար Ուգո Գևարան հանդիպել է Թբիլիսիում ՆԱՏՕ-ի համակարգող գրասենյակի ղեկավար Ալեքսանդր Վիննիկովի հետ։

Ինչպես հաղորդում է Caliber.Az-ը, այս մասին ասվում է Ադրբեջանում ԱՄՆ դեսպանատան պաշտոնական Facebook-յան էջում զետեղված հրապարակման մեջ:

Նշվում է, որ հանդիպմանը քննարկվել են ՆԱՏՕ-ի հետ գործընկերային գործունեության և անվտանգության ոլորտում համագործակցության հարցեր։

«Միացյալ Նահանգները բարձր են գնահատում Ադրբեջանի զինծառայողների մասնակցությունը «ՆԱՏՕ-Վրաստան 2025» համակարգչային օժանդակությամբ մարտավարական շտաբային զորավարժություններին և աջակցում Ադրբեջանի կայուն համագործակցությանը ՆԱՏՕ-ի հետ», - ասվում է հաղորդագրության մեջ։