Այսօր տեղի կունենա մերձկասպյան երկրների ԱԳՆ ղեկավարների հանդիպումը

Դեկտեմբերի 5-ին Մոսկվայում տեղի կունենա՝ մերձկասպյան երկրների արտաքին գործերի նախարարների հանդիպումը՝ նախարարական նոր հերթական երկխոսության շրջանակներում։

Ինչպես հայտնում է Сaliber.Az-ը, Ռուսաստանի արտգործնախարար Սերգեյ Լավրովի նախագահությամբ անցկացվող միջոցառմանը կմասնակցեն՝ Ադրբեջանի, Իրանի, Ղազախստանի և Թուրքմենստանի ներկայացուցիչները։

Կողմերը նախատեսում են քննարկել փոխադարձ հետաքրքրություն ներկայացնող տարածաշրջանային հարցեր՝ շեշտը դնելով կասպյան համագործակցության զարգացման առաջնահերթությունների վրա։

Հիշեցնենք, որ դեկտեմբերի 4-ին Ադրբեջանի արտգործնախարար Ջեյհուն Բայրամովը աշխատանքային այցով մեկնել էր Ռուսաստան՝ մասնակցելու մերձկասպյան երկրների արտգործնախարարների խորհրդի նիստին։