30 տարի անց Ֆիզուլի քաղաքում նշվում է առաջին դպրոցական օրը ԼՈՒՍԱՆԿԱՐ

30 տարի անց Ֆիզուլի քաղաքում հնչել է առաջին դպրոցական զանգը։

Ինչպես հայտնում է Caliber.Az-ը, Ֆիզուլի քաղաքի Միրզա Ուլուղբեկի անվան թիվ 1 միջնակարգ դպրոցում մեկնարկել է նոր ուսումնական տարին։

Ուսումնական հաստատությունը նախատեսված է 960 աշակերտի համար։ Դպրոցը կառուցվել է Ուզբեկստանի նախագահ Շավքաթ Միրզիյոևի կարգադրությամբ՝ որպես նվեր ուզբեկ ժողովրդի անունից։ Նոր ուսումնական տարում դպրոցում ստեղծվել է 11 դասարան՝ 160 աշակերտի համար, այստեղ կդասավանդեն 15 ուսուցիչներ։

Դպրոցն ունի 40 դասասենյակ, 6 լաբորատորիա, 2 ինֆորմատիկայի դասասենյակ, 5 ֆունկցիոնալ ուսումնական կաբինետ, նիստերի դահլիճ՝ 500 նստատեղով, մարզադահլիճ, ճաշասենյակ՝ 320 նստատեղով, գրադարան։

Դպրոցի տարածքում կառուցվել է ֆուտբոլի դաշտ, ստեղծվել են հանգստի և միջոցառումների համար նախատեսված վայրեր, վազքուղիներ, կաթսայատուն, տրանսֆորմատորային ենթակայան։