ԶԼՄ. Ադրբեջանը ծրագրում է ավելացնել գազի մատակարարումները Եվրոպա

Եվրամիությունը (ԵՄ) ակտիվորեն երկխոսում է Ադրբեջանի հետ՝ էներգետիկ ճգնաժամի ֆոնին գազի մատակարարումների ավելացման վերաբերյալ։

Ինչպես հայտնում է Caliber.Az-ը, այս մասին գրել է թուրքական Star թերթը։

Հրատարակությունը նշում է, որ Ռուսաստանի դեմ պատժամիջոցների պատճառով Եվրոպան, որը բնական գազի դեֆիցիտ է զգում, լուծում է գտել եղբայրական երկրում։ Ակնկալվում է, որ 2022 թվականի վերջին բնական գազի մատակարարման ռեկորդ սահմանած Ադրբեջանը գազի մատակարարումների ծավալը կհասցնի 11 միլիարդ խորանարդ մետրի։

Եվրոպական միության արտաքին քաղաքականության հարցերով բարձր ներկայացուցիչ Ժոզեպ Բորելը առաջընթաց է գրանցել Նորվեգիայից, Ալժիրից և Ադրբեջանից ավելի շատ բնական գազ գնելու հարցում.

«Ադրբեջանը նախատեսում է մինչև 2022 թվականի վերջը TAP-ով և TANAP-ով դեպի Եվրոպա գազի մատակարարումը հասցնել 9,1 միլիարդ խորանարդ մետրի, իսկ 2023 թվականին գազի մատակարարումների ծավալը նախատեսվում է հասցնել 11 միլիարդ խորանարդ մետրի։

Հուլիսի 18-ին Ադրբեջանի և Եվրահանձնաժողովի միջև ստորագրվել է էներգետիկ ոլորտում ռազմավարական համագործակցության փոխըմբռնման հուշագիր»: