Ադրբեջանն ու Սաուդյան Արաբիան հուշագիր են ստորագրել կարճաժամկետ վիզաներից փոխադարձ ազատման մասին

Ադրբեջանը և Սաուդյան Արաբիան հուշագիր են ստորագրել դիվանագիտական, հատուկ և ծառայողական անձնագրեր ունեցող անձանց կարճաժամկետ մուտքի վիզաներից փոխադարձ ազատելու մասին։

Ինչպես հայտնում է Caliber.Az-ը, այս մասին X սոցիալական ցանցում գրել է Ադրբեջանի ԱԳՆ մամուլի ծառայությունը։

Նշվում է, որ փաստաթուղթը ստորագրվել է ՄԱԿ-ի Գլխավոր ասամբլեայի 79-րդ նստաշրջանի շրջանակում երկու երկրների արտաքին գործերի նախարարներ Ջեյհուն Բայրամովի և արքայազն Ֆեյսալ բին Ֆարհանի կողմից։