Բայրամովը սաուդցի գործընկերոջը տեղեկացրել է Հայաստանի հետ հարաբերությունների կարգավորման գործընթացի մասին
Ադրբեջանի արտգործնախարար Ջեյհուն Բայրամովը ՄԱԿ-ի Գլխավոր ասամբլեայի 79-րդ նստաշրջանի շրջանակներում Սաուդյան Արաբիայի իր գործընկեր Ֆեյսալ բեն Ֆարհան Ալ Սաուդի հետ հանդիպմանը նրան տեղեկացրել է Բաքվի և Երևանի միջև հարաբերությունների կարգավորման գործընթացի մասին։
Ինչպես հայտնում է Caliber.Az-ը, այս մասին X սոցիալական ցանցում գրել է ԱԳՆ մամուլի ծառայությունը։
Հանդիպմանը քննարկվել է բարձր մակարդակի փոխադարձ այցերի կարևոր դերը համագործակցության ընդլայնման և խորացման գործում, ինչպես նաև զարգացման առկա հնարավորությունները տնտեսության, առևտրի, ներդրումների, մարդասիրական օգնության և զբոսաշրջության ոլորտներում։
Հանդիպման ընթացքում ուշադրության կենտրոնում են եղել COP29-ի թեման, տարածաշրջանում հետկոնֆլիկտային իրավիճակը, ինչպես նաև Ադրբեջանի և Հայաստանի միջև հարաբերությունների կարգավորման գործընթացը։