Ֆինլանդիայի դեսպան. Կանաչ անցումը և շրջակա միջավայրի պաշտպանությունը մեզ համար առաջնահերթություն են

Այսօր Ֆինլանդիայի տեխնոլոգիական արդյունաբերության 50%-ը ծառայում է կայուն զարգացման և կանաչ անցման նպատակների իրականացմանը:

Caliber.Az-ի փոխանցմամբ՝ այս մասին ասել է Ադրբեջանում և Հարավային Կովկասի այլ երկրներում Ֆինլանդիայի դեսպան Կիրստի Նարինենը Բաքվում Հյուսիսային Եվրոպայի երկրների զարգացման «կանաչ մոդել» (NORDIC TALKS: Nordic Green Model) նախաձեռնության շրջանակներում կազմակերպված պանելային քննարկման ժամանակ։

Նարինենը նշել է, որ կանաչ անցումը և շրջակա միջավայրի պահպանությունը Ֆինլանդիայի համար առաջնահերթություն է և այդ քաղաքականությունը չի փոխվի նույնիսկ իշխանափոխության դեպքում։

«Սա ազգային շահ է և ազգային անհրաժեշտություն»,- ընդգծել է նա։