Մեթյու Բրայզան՝ TRIPP-ի իրականացման շրջանակային փաստաթղթի մասին

Հունվարի 13-ին ԱՄՆ պետքարտուղար Մարկո Ռուբիոյի և ՀՀ արտաքին գործերի նախարար Արարատ Միրզոյանի կողմից ստորագրված՝ TRIPP-ի իրականացման շրջանակային փաստաթուղթը   կարևոր նշանակություն ունի։

Այս մասին «Report»-ին հայտարարել է՝ Ադրբեջանում ԱՄՆ նախկին դեսպան, Ջեյմսթաուն հիմնադրամի տնօրենների խորհրդի անդամ և միջազգային փորձագետ Մեթյու Բրայզան։.
 
Նա նշել է, որ, առաջին հերթին, այս փաստաթուղթը հստակորեն ընդգծում է ԱՄՆ-ի և Հայաստանի հանձնառությունը՝ իրականացնելու՝ «Թրամփի՝ հանուն միջազգային խաղաղության և բարգավաճման երթուղին» (TRIPP), որը հայտնի է նաև որպես Զանգեզուրի միջանցք, և հանդիսանում է՝ նախագծի իրականացումը սկսելու համար կոնկրետ գործողությունների  գրավական։
 
Բրայզայի խոսքով՝ մեկ այլ դրական գործոն է այն, որ փաստաթուղթը հստակորեն ընդգծում է՝ Հայաստանի լիակատար ինքնիշխանության պահպանումը իր այն տարածքների նկատմամբ, որոնք հանդիսանում են երթուղու մի մասը։
 
«Հողային վարձակալությունը նախատեսված է 49 տարվա ժամկետով, և այս հողը հստակորեն կմնա Հայաստանի կազմում կամ կգտնվի նրա ինքնիշխան վերահսկողության ներքո», - ասել է նա։ Բրայզան կարծում է, որ ԱՄՆ-ի և Հայաստանի միջև շրջանակային համաձայնագիրը կարևոր քայլ է առաջ, նաև այն պատճառով, որ այն սահմանում է բացառիկ բիզնես մոդել նման նշանակալի ենթակառուցվածքային նախագծի համար։