Բաքվում ԱՄՆ դեսպանատունը` Ադրբեջանի քաղաքացիներին վիզա տրամադրելու մասին

Բաքվում ԱՄՆ դեսպանատունը շարունակում է ընդունել ոչ ներգաղթային վիզաների դիմումներ։

Այս մասին հաղորդում է Caliber.Az-ը՝ հղում անելով Ադրբեջանում ԱՄՆ դեսպանատանը։

Դիվանագիտական առաքելությունում հերքել են մի շարք տեղական լրատվամիջոցների հաղորդագրությունները, որոնց համաձայն՝ ԱՄՆ-ն կասեցրել է 75 երկրների, այդ թվում՝ Ադրբեջանի քաղաքացիների համար բոլոր վիզաների տրամադրումը։

«Հաղորդում ենք, որ այս տեղեկատվությունը չի համապատասխանում իրականությանը։ Խոսքը միայն մշտական բնակության համար նախատեսված ներգաղթային վիզաների ձևակերպման ժամանակավոր դադարեցման մասին է։ Այս որոշումը չի ազդում ոչ ներգաղթային վիզաների դիմումների դիտարկման վրա, այդ թվում՝ զբոսաշրջային և գործնական ճանապարհորդությունների, ինչպես նաև ուսումնական և փոխանակման ծրագրերի վիզաների», - ասվում է հաղորդագրության մեջ։