Azercosmos-ը ավելացրել է հեռահաղորդակցության ծառայությունների արտահանումը

Ադրբեջանական տիեզերական գործակալությունը՝ Azercosmos-ը 2025 թվականի հունվարին արտահանել է 1,5 միլիոն դոլար արժողությամբ արբանյակային հեռահաղորդակցության ծառայություններ, ինչը 7,1 տոկոսով ավելի է, 2024 թվականի հունվարի ցուցանիշից։

Ինչպես տեղեկացնում է Caliber.Az-ը, այս մասին հայտնում է՝ Տնտեսական բարեփոխումների և հաղորդակցությունների վերլուծության կենտրոնը։

Այս տարվա հունվարին Azercosmos-ի ծառայություններից օգտվել է 36 երկիր։

2025 թվականի հունվարին Azercosmos-ից արբանյակային հեռահաղորդակցության ծառայություններ ներմուծող երկրների հնգյակում են՝ Լյուքսեմբուրգը՝ 526,8 հազար ԱՄՆ դոլար, Մեծ Բրիտանիան՝ 317,7 հազար ԱՄՆ դոլար, Եգիպտոսը՝ 59,6 հազար ԱՄՆ դոլար, Թուրքիան՝ 52,9 հազար ԱՄՆ դոլար, Ռուսաստանը՝ 49,2 հազար ԱՄՆ դոլար։

Վիճակագրական տեղեկությունների  համաձայն, Azercosmos-ի եկամուտները՝ ծառայությունների արտահանումից կազմել են նրա ընդհանուր եկամուտների 69%-ը։ 2024 թվականին Azercosmos-ի եկամուտները արբանյակների առևտրային շահագործումից կազմել է 18,5 միլիոն ԱՄՆ դոլար, ինչը 6,6%-ով պակաս է 2023 թվականի ցուցանիշի համեմատ։