Ռուսաստանում արտակարգ վայրէջք կատարած AZAL ինքնաթիռը վերանորոգվել է ԼՈՒՍԱՆԿԱՐ/ՏԵՍԱՆՅՈՒԹ/Թարմացված

2025 թվականի հոկտեմբերի 20-ին «Ադրբեջանական ավիաուղիներ»-ի (AZAL) Airbus A320 օդանավը, որը կատարում էր J2-020 չվերթը՝ Սանկտ Պետերբուրգ-Բաքու երթուղով, արտակարգ վայրէջք է կատարել Պուլկովո օդանավակայանում։

Ինչպես Caliber.Az-ին տեղեկացրել են AZAL-ի մամուլի ծառայությունից, Airbus A320 տեսակի տվյալ օդանավը շահագործման պահից ի վեր անցել է պլանային տեխզննում և Սանկտ Պետերբուրգից թռիչքի պահին գտնվում էր սարքին վիճակում։

«Տեղեկացնում ենք, որ 2025 թվականի սեպտեմբերին ինքնաթիռը անցել է պլանային լրիվ տեխնիկական զննում (A-check): Բոլոր տեխնիկական աշխատանքները կատարվել են արտադրողի պահանջներին և ավիաընկերության ներքին ընթացակարգերին համապատասխան: Մեր փորձառու օդաչուները լիովին պահպանել են AZAL-ի ներքին կանոնակարգը և միջազգային նորմատիվ պահանջները։

Մեր օդաչուների պրոֆեսիոնալիզմի շնորհիվ թռիչքի ընթացքում բոլոր հնարավոր ռիսկերը նվազագույնի են հասցվել, իսկ ուղևորների և թռիչքի անվտանգությունն ապահովվել է ամենաբարձր մակարդակով», - նշել են AZAL-ում։

11:58

Պուլկովո օդանավակայանում թռիչքուղուց դուրս եկած ինքնաթիռի ուղևորները՝ Բաքու են տեղափոխվել պահեստային չվերթով։
 
ՌԲԿ-ի փոխանցմամբ՝ այս մասին հայտնել են  տրանսպորտային դատախազությունից։

10:20

Լուսանկարներ Պուլկովո օդանավակայանից (Սանկտ Պետերբուրգ), որտեղ այսօր  հարկադիր վայրէջք է կատարել AZAL-ի ինքնաթիռը։ Բոլոր 155 ուղևորները արագ տարհանվել են, տուժածներ չկան։
 
Flightradar24-ի տվյալներով՝ ինքնաթիռը Սանկտ Պետերբուրգի օդային տարածքում պտտվել է մոտ երեք ժամ։

09:16
 
Թռիչքի առավելագույն անվտանգությունն ապահովելու համար, Սանկտ Պետերբուրգից Բաքու J2-020 չվերթն իրականացնող՝ Azerbaijan Airlines-ի Airbus A320-ի հրամանատարը որոշել է՝ վերադառնալ և վայրէջք կատարել Պուլկովո օդանավակայանում՝ վայրէջքի մեխանիզմի աշխատանքի հետ կապված տեխնիկական պատճառով։
 
Այս մասին հայտնում է Caliber.Az-ը՝ հղում անելով AZAL-ի հաղորդագրությանը։
 
 «Բոլոր անվտանգության ընթացակարգերը պահպանելու համար՝ անձնակազմը ուշադիր կատարել է անհրաժեշտ գործողությունները, այդ թվում՝ վայրէջքից առաջ վառելիքի սպառումը։
 
Սահմանված ընթացակարգերի համաձայն՝ Սանկտ Պետերբուրգի օդանավակայանի բոլոր արտակարգ ծառայությունները բերվել են պատրաստության վիճակի։
 
Ինքնաթիռը անվտանգ վայրէջք է կատարել Պուլկովո օդանավակայանում՝ Բաքվի ժամանակով ժամը 4:43-ին։
 
Վայրէջքի ժամանակ ինքնաթիռը մի փոքր դուրս է եկել թռիչքուղուց։
 
Բոլոր 155 ուղևորները արագ տարհանվել են. տուժածներ չկան։
 
Մեկ այլ ավիաընկերության ինքնաթիռ արդեն ուղարկվել է՝ Սանկտ Պետերբուրգից Բաքու ուղևորներ տեղափոխելու համար։