Հայաստանի ուղին դեպի Եվրոպա Փաշինյանը տեղաբաշխել է առաջնահերթությունները

Եվ այսպես, Հայաստանի ղեկավարությունը, կարելի է ասել, այս կամ այն  աստիճանով կողմնորոշել է երկրի արտաքին քաղաքական կուրսի հետագա վեկտորը։
 
Մասնավորապես, վարչապետ Նիկոլ Փաշինյանը նախօրեին Երևանում՝ «Հայաստանը և աշխարհը ռիսկերի և հնարավորությունների խաչմերուկում» համաժողովում իր ելույթում, որին մասնակցել են ԱՄՆ-ի և ԵՄ-ի դեսպանները՝ արտահայտվել է Եվրասիական տնտեսական միությանը (ԵԱՏՄ) երկրի հետագա մասնակցության և երկրի՝ Եվրամիությանը (ԵՄ) միանալու հեռանկարների առնչությամբ։
 
«Հայաստանը կմնա Եվրասիական տնտեսական միությունում այնքան, որքան դա հնարավոր կլինի», - ասել է Հայաստանի ղեկավարը։ Դրանով հանդերձ նա չի զլացել նշել, որ միևնույն ժամանակ երկիրը՝ եվրոպական չափանիշներին համապատասխանելու ճանապարհով գնալու հնարավորություն ունի, և հիշեցրել է, որ անցյալ տարի երկրի խորհրդարանը՝ ԵՄ-ի անդամակցության գործընթացի մեկնարկի մասին օրենք է ընդունել։
 
«Հենց որ մենք հասնենք Եվրամիության չափանիշներին, մենք կունենանք երկու տարբերակ՝ կամ մեզ կընդունեն ԵՄ, կամ չեն ընդունի։ Բայց երկու տարբերակների դեպքում էլ մենք շահում ենք։ Եթե չընդունեն, ապա մենք, ցանկացած դեպքում կհամապատասխանենք եվրոպական չափանիշներին, կունենանք զարգացած և ժամանակակից պետություն», - ընդգծել է վարչապետը։
 
Ելնելով նրա հայտարարություններից, ինքնաբերաբար եզրակացություն է ծագում այն մասին, որ Հայաստանը որոշակիորեն նպատակադրված է եվրաինտեգրմանը: Բացի այդ, եթե նախկինում Երևանը յուրաքանչյուր անգամ դիվանագիտորեն շրջանցում էր Մոսկվայի համար այս խիստ զգայուն հարցը, ապա արդեն նոր իրողություններին համապատասխան՝ Հայաստանի ղեկավարությունը բացահայտորեն հայտարարում է երկրի եվրոպական գործընկերության ծրագրերի մասին: Սա՝ առաջինը։
 
Երկրորդը, կարելի է ենթադրել, որ Նիկոլ Փաշինյանի վստահ հայտարարությունները պայմանավորված են Միացյալ Նահանգների հետ կապերի ակտիվացմամբ՝ Վաշինգտոնի համաձայնագրերի ստորագրմամբ, որոնք, նրա հետ մեկտեղ, որ որպես խթան են ծառայել Բաքվի և Երևանի միջև վերջնական խաղաղության հաստատման համար, նաև հաստատեցին Հայաստանի իրավազորությունը՝ որպես իր ազգային շահերին կենտրոնացած պետություն։
 
Երրորդը,  այսպիսով, Հայաստանի ղեկավարը Կրեմլին տեղեկացրել է, որ Երևանը մտադիր է վայելել ԵԱՏՄ-ին իր մասնակցության ֆինանսական օգուտները այնքան ժամանակ, որքան դա ձեռնատու է նրան։
 
Կրեմլում, իր հերթին, ձեռնարկում են որոշակի քայլեր՝ առայժմ նախացգուշացնող և սպառնալի հռետորաբանությամբ, որպեսզի թույլ չտալ Հայաստանի ԵՄ-ին վերջնական անդամակցությունը: Այսպես, անցյալ տարվա դեկտեմբերին Ռուսաստանի արտաքին քաղաքական գերատեսչության պաշտոնական ներկայացուցիչ Մարիա Զախարովան հայտարարեց, որ Եվրամիությանը միացող երկրները պետք է հրաժարվեն իրենց ինքնիշխանության մի մասից։ Բացի այդ, Կրեմլի ավելի մեծ մտահոգությունը, ավելի շուտ, առաջացնում է ոչ թե Հայաստանի ԵՄ-ին անդամակցելու ինքնին փաստը, այլ հակառուսական պատժամիջոցներին նրա միանալու հավանականությունը, ինչի մասին, ի դեպ, քննարկվել է՝ Բրյուսելում Հայաստանի արտաքին գործերի նախարար Արարատ Միրզոյանի 2025 թվականի դեկտեմբերին այցի ժամանակ։ Այդ ժամանակ եվրոպական դիվանագիտության ղեկավար Կայա Կալասը Երևանին կոչ արեց միանալ Ռուսաստանի դեմ պատժամիջոցներին, որին գրեթե անմիջապես հետևեց Մոսկվայի արձագանքը՝ Երևանում Ռուսաստանի դեսպան Սերգեյ Կոպիրկինը «Նոև Կովչեգ» թերթին տված հարցազրույցում զգուշացրեց՝ Հայաստանի տնտեսությանը սպառնացող հետևանքների մասին, եթե երկիրը միանա Ռուսաստանի Դաշնության դեմ Արևմուտքի պատժամիջոցներին։
 
«Եվրամիության բարձրաստիճան պաշտոնյաները չեն թաքցնում Երևանի հետ ԵՄ-ի հարաբերությունները գրանցել Ռուսաստանին՝ Հայաստանի դաշնակցին «ռազմավարական պարտություն» հասցնելու իրենց ծրագրերի համատեքստում։ Դեկտեմբերի 3-ին ԵՄ-ի արտաքին գործերի և անվտանգության քաղաքականության հարցերով գերագույն ներկայացուցիչ Կայա Կալլասը հստակ հասկացրեց, որ Հայաստանից ակնկալում է միանալ հակառուսական պատժամիջոցներին։ Այն մասին, թե դա ինչպիսի հետևանքներ կարող է բերել Հայաստանի տնտեսության համար՝ Բրյուսելում, ըստ երևույթին, չեն մտածում», - նշել է նա։
 
Սակայն, մեր կարծիքով, այդ առնչությամբ Կրեմլի մտահոգությունները բացարձակապես իզուր են, քանի որ Հայաստանը, որքան էլ մարտնչի եվրոպական ինտեգրացիայի համար, քանի դեռ չի սկսել «կտրել այն ճյուղը, որի վրա նստած է»։
 
Չնայած Կրեմլի բոլոր հակամիջոցներին՝ պաշտոնական Երևանը, դատելով Հայաստանի վարչապետի վերոնշյալ հայտարարություններից, արդեն իսկ կատարել է իր ընտրությունը Եվրամիության օգտին։ Այդ մասին են ասում նաև Փաշինյանի խոսքերը, ով իր ելույթում վստահեցրել է, թե հենց որ ծագի անհամատեղելիություն ԵԱՏՄ-ի և ԵՄ-ի միջև՝ հանրապետությունը՝ ժողովրդի կամարտահայտությանը և նրա շահերին համապատասխանող որոշում կկայացնի։