Սիկհերը՝ Հնդկաստանի հարվածի տակ Սամիթ Ալիևի «Անհարմար ճշմարտությունը»

Հունվարի 16-ին Բաքվի նախաձեռնողական խմբի հովանու ներքո Ադրբեջանում անցկացվեց միջազգային կոնֆերանս՝ նվիրված Հնդկաստանի կառավարության բռնաճնշողական քաղաքականությանը: Կոնֆերանսը կոչվում էր «Ռասիզմ և բռնություն սիկհերի և այլ ազգային փոքրամասնությունների նկատմամբ Հնդկաստանում. ժամանակակից իրականություն»:

Հնդկաստանը որպես միասնական և կենտրոնացված պետություն ի հայտ եկավ միայն 20-րդ դարի կեսերին: Խոսելով մինչև 1947 թվականի Հնդկաստանի մասին, մենք, առաջին հերթին, նկատի ունենք մշակութա-պատմական տարածք, որի շրջանակներում գոյություն են ունեցել տարբեր պետական կազմավորումներ, և դրանց թիվը չափազանց շատ է:

Հետևաբար, չի կարելի պարզապես հավասարության նշան դնել ժամանակակից Հնդկաստանի և այն բանի հետ, որը Հնդկաստան էր կոչվում դրա անկախություն ստանալուց առաջ: Սա նույնն է, ինչ ասել, որ ժամանակակից Հունաստանը և հին հույների Դելոսյան միությունը նույնական են, կամ որ Սուրբ Հռոմեական կայսրությունն ու ԳԴՀ-ն նույնն են: Բայց վերադառնանք սիկհերին: