Ադրբեջանը և Համաշխարհային բանկը քննարկել են Միջին միջանցքի զարգացման հարցը

Ադրբեջանի թվային զարգացման և տրանսպորտի նախարար Ռաշադ Նաբիևը բանակցություններ է վարել՝ Համաշխարհային բանկի Հարավային Կովկասի տարածաշրջանային տնօրեն Ռոլանդ Փրեյսի հետ:
 
Ինչպես հաղորդում է Report-ը, այս մասին նախարարը հայտնել է իր սոցցանցերի էջում։
 
«Մենք քննարկեցինք համատեղ նախագծերի իրականացումը Ադրբեջանի տրանսպորտի և կապի հոլդինգի (AZCON) մաս կազմող կազմակերպությունների հետ, այդ թվում՝ Միջին միջանցքի զարգացման և տարանցիկ ներուժի մեծացման գործում համագործակցությունը։ Միաժամանակ, մենք համաձայնության եկանք կիբերանվտանգության և քաղաքային շարժունակության ոլորտում համատեղ գործունեության համապատասխան քայլերի շուրջ», - նշել է Ռ. Նաբիևը։