Լավրովը Հայաստանին հիշեցրել է, որ ադրբեջանական հողերը գրավվել են ռուսական զենքի միջոցով

Ռուսական զենքը կիրառվել է ոչ միայն Բաքվում, այլև Հայաստանի կողմից ադրբեջանական տարածքների գրավման ժամանակ։
 
Ինչպես հաղորդում է Caliber.Az-ը՝ հղում անելով հայկական լԶԼՄ-ներին, այս մասին հայտարարել է Ռուսաստանի արտաքին գործերի նախարար Սերգեյ Լավրովը՝ ՀՀ արտաքին գործերի նախարար Արարատ Միրզոյանի հետ Երևանում բանակցություններից հետո կայացած մամուլի ասուլիսում։
 
«Հիշեցնեմ, որ Հայաստանը գրեթե ողջ անկախության ընթացքում օգտագործել է ռուսական զենք, այդ թվում՝ յոթ վիճելի ադրբեջանական շրջանների գրավման ժամանակ, որոնց նկատմամբ երբեք պաշտոնապես պահանջ չի ներկայացրել», - նշել է Լավրովը՝ պատասխանելով Բաքվին զենքի մատակարարման վերաբերյալ հարցին։
 
Նրա խոսքով՝ Հայաստանի նախորդ ղեկավարներից ոչ մեկը չի առաջարկել ճանաչել Ղարաբաղը որպես անկախ կազմավորում։ Միևնույն ժամանակ, գրավված տարածքներում կառուցվեցին ամրաշինություններ, որոնք նախատեսված էին այդ շրջանները երկար ժամանակ պահելու համար։ «Որոշ վերլուծաբաններ կարծում էին, որ այս ամրաշինությունների բնույթը վկայում էր այդ հողերը ընդհանրապես Ադրբեջանին չվերադարձնելու մտադրության մասին», - հավելել է նա։