Օրբան. Ադրբեջանը, Ռումինիան և Հունգարիան ակտիվորեն աշխատում են՝ ԵՄ-ին «կանաչ» էներգիա մատակարարելու ուղղությամբ

Ադրբեջանը, Ռումինիան և Հունգարիան ակտիվորեն աշխատում են՝ Կովկասի տարածաշրջանից Եվրամիությանը (ԵՄ) «կանաչ էներգիա» մատակարարելու նախագծի վրա։
 
Ինչպես հաղորդում է ԱՊԱ-ն, այս մասին ասել է՝ այցով Թբիլիսիում գտնվող Հունգարիայի վարչապետ Վիկտոր Օրբանը՝ իր վրացի գործընկեր Իրակլի Կոբախիձեի հետ հանդիպումից հետո՝ հանդես գալով մամուլի համար համատեղ հայտարարությամբ:
 
Նա ընդգծել է, որ Սև ծովի հատակով էլեկտրական մալուխի անցկացումը կդառնա՝ ԵՄ տարածքում իրականացվող ամենահաջող նախագծերից մեկը։
 
2022 թվականի դեկտեմբերի 17-ին Ադրբեջանի, Վրաստանի, Ռումինիայի և Հունգարիայի կառավարությունների միջև ստորագրվել է՝ Կանաչ էներգիայի զարգացման և փոխանցման ոլորտում ռազմավարական գործընկերության մասին համաձայնագիր։ Բուխարեստում փաստաթուղթը ստորագրել են՝ ԱՀ նախագահ Իլհամ Ալիևը, Ռումինիայի վարչապետ Նիկոլաե Չյուկեն, Վրաստանի վարչապետ Իրակլի Ղարիբաշվիլին և Հունգարիայի վարչապետ Վիկտոր Օրբանը։ Ստորագրման արարողությանը  մասնակցել են Ռումինիայի նախագահ Կլաուս Յոհանիսը և Եվրահանձնաժողովի նախագահ Ուրսուլա ֆոն դեր Լեյենը։