Ալիևը Պուտինին տեղեկացրել է ԱՊՀ գագաթնաժողովին իր մասնակցությունը չեղարկելու մասին Ակտաուում տեղի ունեցած ավիավթարի պատճառով

Նախագահ Իլհամ Ալիևը ինքնաթիռում գտնվելու ժամանակ զանգահարել է՝ Ռուսաստանի Դաշնության նախագահ Վլադիմիր Պուտինին։
 
Ինչպես հաղորդում է AzerTac-ը, հեռախոսազրույցի ընթացքում Իլհամ Ալիևը հայտնել է, որ չի կարողանա մասնակցել՝ Սանկտ Պետերբուրգում կայանալիք ԱՊՀ երկրների ղեկավարների ոչ պաշտոնական գագաթնաժողովին՝ Բաքու-Գրոզնի չվերթ իրականացնող ադրբեջանական ավիաուղիների մարդատար ինքնաթիռի կործանման պատճառով։
 
Պետությունների ղեկավարները ցավակցություն են հայտնել միմյանց, Ադրբեջանի, Ռուսաստանի և  մյուս երկրների զոհված քաղաքացիների ընտանիքների անդամներին և մտերիմներին, իսկ վիրավորներին մաղթել շուտափույթ ապաքինում։