Միջին միջանցքի զարգացում. ԹՊԿ երկրները համաձայնել են պարզեցնել մաքսային ընթացակարգերը

Թուրքական պետությունների կազմակերպության (ԹՊԿ) անդամ երկրների մաքսային ծառայությունները՝ կազմակերպության 11-րդ նիստում ստորագրել են երկու հուշագիր և համատեղ հայտարարություն։
 
Ինչպես ԹՊԿ-ում տեղեկացրել են Report-ին, ստորագրվել են՝ ռիսկերի կառավարման ոլորտում փոխըմբռնման հուշագիր, մաքսային լաբորատորիաների գործունեության  ոլորտում փոխըմբռնման հուշագիր և ԹՊԿ երկրների մաքսային վարչակազմերի ղեկավարների համատեղ հայտարարություն՝ մաքսային վերահսկողության ներքո միջազգային ճանապարհային փոխադրումների մասին կոնվենցիայի (Ժնև, 1975) 11-րդ հավելվածի կատարման վերաբերյալ։
 
Հանդիպումը նվիրված էր Միջին միջանցքի մրցունակության բարձրացմանը՝ մաքսային ընթացակարգերի պարզեցման, թվայնացման և սահմանային անցումների արագացման միջոցով։
 
Քննարկման հիմնական թեմաներն էին՝ e-TIR համակարգի օգտագործման ընդլայնումը, «Միասնական պատուհան» և One-Stop Shop  մեխանիզմների ներդրումը, ժամանակակից տեխնոլոգիաների, այդ թվում՝ էլեկտրոնային պլոմբների և բեռների հետևման համակարգերի ինտեգրումը։
 
Հատուկ ուշադրություն է դարձվել լիազորված տնտեսական օպերատորի (AEO) ծրագրերի մշակմանը և ներդաշնակեցմանը, որոնք նպաստում են առևտրի պարզեցմանը և տարածաշրջանում անդրսահմանային փոխադրումների ի հեշտացմանը։