ԹՊԿ. Մեր մտքերն ու աղոթքները բոլոր նրանց հետ են, ովքեր տուժել են այս ողբերգությունից

Թուրքական պետությունների կազմակերպությունը (ԹՊԿ) ցավակցություն է հայտնել՝ Ղազախստանի Ակտաու քաղաքի մոտ «Ադրբեջանական ավիաուղիներ»-ի (AZAL) ինքնաթիռի կործանման հետևանքով զոհվածների ընտանիքներին։
 
Ինչպես հայտնում է Caliber.Az-ը, ցավակցությունը տեղադրվել  է կազմակերպության X սոցիալական ցանցի էջում։
 
«Խորապես վշտացած ենք՝ «Ադրբեջանական ավիաուղիներ»-ի Բաքու-Գրոզնի երթուղով չվերթ իրականացնող ինքնաթիռի՝ Ակտաուի մոտ կործանման լուրով։ Խորին ցավակցությունն ենք հայտնում զոհվածների ընտանիքներին, իսկ վիրավորներին մաղթում շուտափույթ ապաքինում։ Մեր մտքերն ու աղոթքները բոլորի հետ են, ովքեր տուժել են այս ողբերգությունից»,- ասվում է հրապարակման մեջ։