Վրացի սահմանապահները ձերբակալել են Ադրբեջանի և Հայաստանի քաղաքացիների

Վրաստանի Սահմանային ոստիկանության աշխատակիցները «Սադախլի» և «Վախթանգիսի» սահմանային հատվածներում ձերբակալել են օտարերկրյա չորս քաղաքացիների։

Report-ի հաղորդմամբ՝ նրանցից երկուսը՝ ծնված 1979 և 1993 թվականներին, Հայաստանի քաղաքացիներ են, մնացածը՝ ծնված 1989 և 2006 թվականներին, Ադրբեջանի քաղաքացիներ։

Բոլոր ձերբակալվածները փորձել են անօրինական կերպով մուտք գործել Վրաստանի տարածք՝ շրջանցելով սահմանային անցակետերը։

Փաստերի հիման վրա հարուցվել են քրեական գործեր։ Վրաստանի օրենսդրության համաձայն, պետական սահմանի անօրինական հատումը պատժվում է մինչև 5 տարի ազատազրկմամբ։