Ադրբեջանա-թուրքական զորավարժությունների ժամանակ առաջին անգամ կիրառվել է անօդաչուների պարս ԼՈՒՍԱՆԿԱՐ/ՏԵՍԱՆՅՈՒԹ

Թուրքական STM ընկերության մշակած անօդաչու թռչող սարքերի պարսի նախագիծը կիրառվել է Կարսում Թուրքիայի և Ադրբեջանի Զինված ուժերի մասնակցությամբ անցկացվող «Հեյդար Ալիև-2023» համատեղ զորավարժությունների ժամանակ։

Այս մասին նշված է SavunmaSanayiST.com-ի թվիթերյան էջում, հայտնում է Caliber.Az-ը։

Անօդաչու թռչող սարքերի շահագործման նախագիծը (BUMIN), որը մշակվել է STM-ի կողմից՝ ազգային ինժեներական հնարավորությունների օգտագործմամբ, տպավորություն է թողել «Հեյդար Ալիև 2023» համատեղ զորավարժությունների ժամանակ: Ըստ սցենարի՝ օդ բարձրացած 6 KARGU հարթակներ համալիր գործողություններ են կատարել։

Զորավարժությունների շրջանակում իրենց առաջադրանքները հաջողությամբ կատարել են առաջին ազգային KARGU կամիկաձե անօդաչու թռչող սարքը, TOGAN հետախուզական անօդաչու թռչող սարքը և BOYGA քառակոպտերը, որոնք ներառված են թուրքական բանակի զինանոցում։ ALPAGU ազգային հարվածային անօդաչու թռչող սարքը նույնպես ոչնչացրել է զորավարժությունների ընթացքում որոշված թիրախները։