Ադրբեջանը բարելավում է Ֆիզուլիի դաշտերի ոռոգումը ԼՈՒՍԱՆԿԱՐ

Ադրբեջանի Ֆիզուլիի շրջանում աշխատանքներ են տարվում ցանքատարածությունների ոռոգման բարելավման ուղղությամբ։

Ինչպես Caliber.Az-ին հայտնել է «Մելիորացիա և Ադրբեջանի ջրային տնտեսություն» ԲԲԸ-ի մամուլի ծառայության ղեկավար Դիլգամ Շարիֆովը, մասնավորապես, ջրի կորուստները նվազեցնելու նպատակով իրականացվում է ջրանցքների բետոնապատում (ներկա պահին այդ աշխատանքները իրականացվում են Ահմեդալըլար գյուղի մոտ), տիղմից մաքրում, պոմպակայանների, հիդրոտեխնիկական կառույցների վերանորոգում և այլն։

Բետոնե ջրանցքը թույլ կտա առանց կորուստների ոռոգել 450 հեկտար ցանքատարածություն: Աշխատանքները նախատեսվում է ավարտել հոկտեմբերի վերջին։