Ադրբեջանի նախագահ. Իրենց «նախագահ» անվանող երեք ծաղրածուներն այսօր սպասում են իրենց արժանի պատժին

Այստեղ նստած երեք ծաղրածուներ (ԼՂԻՄ կուսակցական կոմիտեի շենքում - Խմբ.), որոնք իրենց «նախագահ» էին անվանում, այսօր սպասում են իրենց արժանի պատժին։ Հետաքրքիր է, այս շենքերից մեկում նստած մարդը, ով իրեն «վարչապետ» էր անվանում, այսօր էլ կհամարձակվի՞ սպառնալ մեզ։ Այսօր քննչական մեկուսարանում նրան նույնպես թեյ են մատուցում։

AZERTAC-ի փոխանցմամբ՝ այս մասին հայտարարել է նախագահ Իլհամ Ալիևը հոկտեմբերի 15-ին Խանքենդի քաղաքում Ադրբեջանի Հանրապետության պետական դրոշը բարձրացնելուց հետո ունեցած ելույթի ժամանակ։

«Իրեն «արտաքին գործերի նախարար» անվանող անջատողականն այն ժամանակ ծաղրանքով ասում էր, որ եթե Ադրբեջանը ցանկանում է իր դրոշը բարձրացնել Խանքենդիում, ապա թող դեսպանատուն բացի մեր երկրում։ Հիմա նրան էլ են թեյ տալիս այնտեղ՝ մեկուսարանում։ Իսկ մեր դրոշն ահա այստեղ է: Սա պետք է դաս լինի նրանց համար։ Ցավոք, նրանք չլսեցին իմ խոսքերը, որոնք ես ասել եմ 20 տարի առաջ, իսկ հետո՝ բազմիցս կրկնել: Նրանք կարծում էին, որ սա պարզապես խոսքեր են։ Ոչ, այն ամենը, ինչ ես ասել եմ, իրականացրել եմ։ Սա գիտեն բոլորը, այդ թվում՝ Հայաստանում, և թող չմոռանան դա։ Թող չմոռանան Հայրենական պատերազմը։ Թող չմոռանան հակաահաբեկչական միջոցառումները»,- ընդգծել է պետության ղեկավարը։