Ալիևը և Հարմսը քննարկել են Ադրբեջանում ներդրումային մթնոլորտը

Մայիսի 30-ին Ադրբեջանի նախագահ Իլհամ Ալիևն ընդունել է՝ Գերմանիայի տնտեսության արևելյան կոմիտեի նախագահ Միխայել Հարմսին։
 
Ինչպես հաղորդում է Caliber.Az-ը, այս մասին տեղեկատվությունը տեղադրվել է պետության ղեկավարի պաշտոնական կայքում։
 
Հանդիպման ժամանակ գոհունակությամբ նշվել են Իլհամ Ալիևի հանդիպումները՝ Միխայել Հարմսի, ինչպես նաև գերմանական գործարար շրջանակների և ընկերությունների ներկայացուցիչների հետ։ Ընդգծվել է Գերմանիայի նախագահի Ադրբեջան այցի դերը երկկողմ հարաբերությունների, այդ թվում՝ տնտեսական կապերի ընդլայնման գործում։ Կողմերը նշել են, որ Ադրբեջանի և Գերմանիայի միջև համագործակցությունը զարգանում է տարբեր ոլորտներում, այդ թվում՝ առևտրատնտեսական:
 
Զրույցի ընթացքում հույս  է հայտնվել, որ Միխայել Հարմսի այցը մեր երկիր արդյունավետ կլինի և լավ հնարավորություններ կստեղծի տնտեսական համագործակցության հարցերի քննարկման համար։
 
Հյուրը նշել է, որ այսօր կստորագրվի AZPROMO-ի հետ փոխադարձ տնտեսական նախագծերի ճանապարհային քարտեզ և ընդգծել է Ադրբեջանի նախագահի քաղաքական աջակցությունը այս հարցում։
 
Հանդիպմանը անդրադարձ է կատարվել նաև Ադրբեջանում բարենպաստ ներդրումային միջավայրին, ինչի  հետ կապված, գերմանացի ձեռնարկատերերը ներդրումներ են կատարում մեր երկրում։ Այնուհետև տեղի է ունեցել մտքերի փոխանակում՝ տնտեսական կապերի հեռանկարների  շուրջ։