Ալիևը և Լե Պեշը մտքեր են փոխանակել Ադրբեջանի և SLB-ի միջև համագործակցության հեռանկարների վերաբերյալ

Հունիսի 2-ին Ադրբեջանի նախագահ Իլհամ Ալիևն ընդունել է՝ Schlumberger Overseas S.A (SLB) ընկերության գործադիր տնօրեն Օլիվիե Լե Պեշին։
 
Ինչպես հաղորդում է Caliber.Az-ը, այս մասին տեղեկատվությունը տեղադրվել է պետության ղեկավարի պաշտոնական կայքում։
 
Զրույցի ընթացքում անդրադարձ է կատարվել՝ Կասպիական նավթի և գազի միջազգային ցուցահանդեսի և Կասպիական էներգետիկայի և կանաչ էներգիայի միջազգային ցուցահանդեսի կարևորությանը, և ընդգծվել է, որ այս հարթակները թույլ են տալիս քննարկել գլոբալ էներգետիկ հարցեր։
 
Նշվել են Schlumberger Overseas S.A.-ի կողմից Ադրբեջանում հաջողությամբ իրականացվող նախագծերը, ընդգծվել է նրա մասնակցությունը՝ Ադրբեջանում նավթի և գազի հանքավայրերի զարգացմանը և SOCAR-ի ու bp-ի հետ համագործակցությունը։
 
Հանդիպման ժամանակ տեղեկատվություն է տրամադրվել՝ SOCAR Green-ի հետ ընկերության հնարավոր համատեղ նախագծի վերաբերյալ, որը կապված է՝ Քելբաջարի և Լաչինի շրջաններում երկրաջերմային էներգիայի օգտագործման հետ։
 
Այնուհետև կողմերը մտքեր են փոխանակել՝ Ադրբեջանի և Schlumberger Overseas S.A.-ի միջև համագործակցության հեռանկարների վերաբերյալ։