Ալիևն ընդունել է ԹՊԿ երկրների ՆԳ նախարարներին ԼՈՒՍԱՆԿԱՐ

Մայիսի 23-ին Ադրբեջանի նախագահ Իլհամ Ալիևն ընդունել է Թյուրքական պետությունների կազմակերպության ներքին գործերի նախարարների երկրորդ հանդիպման մասնակիցներից կազմված պատվիրակությանը։

Ինչպես հաղորդում է Caliber.Az-ը, այս մասին տեղեկատվությունը զետեղված է պետության ղեկավարի պաշտոնական կայքում։

Պատվիրակության կազմում էին Ղազախստանի ներքին գործերի նախարար Երժան Սադենովը, Ղրղզստանի ներքին գործերի նախարար Ուլան Նիյազբեկովը, Թուրքիայի ներքին գործերի նախարար Ալի Երլիքայան, Ուզբեկստանի ներքին գործերի նախարար Ազիզ Թաշբուլատովը, Հյուսիսային Կիպրոսի Թուրքական Հանրապետության ներքին գործերի նախարար Դուրսուն Օղուզը, Հունգարիայի ներքին գործերի փոխնախարար Բենչե Ռետվարին և Թյուրքական պետությունների կազմակերպության գլխավոր քարտուղար Կուբանիչբեկ Օմուրալիևը։