Ադրբեջանի չեմպիոնը ջախջախել է Ջիբրալթարի «սատանաներին»

«Ղարաբաղ» ֆուտբոլային ակումբն անցել է ՈՒԵՖԱ-ի Չեմպիոնների լիգայի առաջին փուլը։

Caliber.Az-ի փոխանցմամբ՝ Ադրբեջանի չեմպիոնը, ինչպես արտագնա խաղում, իր հարկի տակ էլ հաղթել է Ջիբրալթարի «Լինքոլն» թիմին:

Մեկ շաբաթ առաջ «Վիկտորիա» մարզադաշտում Գուրբան Գուրբանովի թիմը հաղթել էր 2։1 հաշվով, իսկ այս անգամ 4 անպատասխան գնդակ է ուղարկել մրցակցի դարպասը:

Գոլերը խփել են Աբդուլլա Զուբիրը, Բահլուլ Մուստաֆազադեն, Ռեդոն Ջիջան և Մարկո Յանկովիչը։

Հաջորդ փուլում «Ղարաբաղի» մրցակիցը կլինի լեհական «Ռակովը»։

Նշենք, որ «Լինքոլնը» Ջիբրալթարի առաջնության ամենատիտղոսակիր ֆուտբոլային ակումբն է։ Ակումբն անվանվել է անգլիական «Լինքոլն Սիթի» ֆուտբոլային ակումբի պատվին, որտեղից փոխառվել է թիմի զինանշանն ու «Սատանաներ» մականունը։