Ֆաիգ Հասանովը երկրորդ անգամ Գինեսի ռեկորդ է սահմանել

Ադրբեջանի շախմատի ֆեդերացիայի փոխնախագահ Ֆաիգ Հասանովը երկրորդ անգամ ընդգրկվել է Գինեսի ռեկորդների գրքում՝ որպես ամենաերկար շախմատային ծրագրի հաղորդավար։
 
Ինչպես հաղորդում է Report-ը, այս առիթով ադրբեջանական հեռուստատեսությամբ կազմակերպված միջոցառման ժամանակ՝ Guinness World Records-ի ներկայացուցիչ Շեյդա Սուբաշին ասել է, որ Ֆաիգ Հասանովի հեղինակած և վարող՝ «Հեռուստատեսային շախմատի ակումբ» հաղորդումը հեռարձակվում է 1969 թվականի մարտի 27-ից (55 տարի և 277 օր):
 
Հաղորդումը ճանաչվել է որպես երբևէ հեռարձակված ամենաերկարատև սպորտային հաղորդումը։
 
Նշենք, որ անցյալ ամիս Ֆաիգ Հասանովը գրանցվել է Գինեսի ռեկորդների գրքում որպես շախմատի ամենաերկար փորձ ունեցող մրցավար՝ 60 տարի և 149 օր։