Ադրբեջանական թիմի շոու կոմպոզիցիան հիացրել է Էրդողանին

Ստամբուլում շարունակվում է մայիսի 22-ին մեկնարկած «Էթնոսպորտ» 7-րդ միջազգային մշակութային փառատոնը։ Ադրբեջանական պատվիրակությունը միջոցառմանը ներկայացրել է՝ «Զաֆար» անվամբ մեծածավալ շոու-կոմպոզիցիա, որը մեծ հետաքրքրություն է առաջացրել միջոցառման հանդիսատեսի և հյուրերի, այդ թվում՝ Թուրքիայի բարձրագույն ղեկավարության մոտ։
 
Ինչպես հաղորդում է APA-ն՝ հղում անելով Ադրբեջանի ձիասպորտի ֆեդերացիային, մայիսի 24-ին Թուրքիայի նախագահ Ռեջեփ Թայիբ Էրդողանը և նրա կինը՝ Էմինե Էրդողանը, անձամբ դիտել են Ադրբեջանի հավաքականի ելույթը։
 
130 պատվիրակության անդամների և 20 ղարաբաղյան ձիերի մասնակցությամբ պատրաստված շոուն արտացոլում էր թուրքական աշխարհի հարուստ մշակութային ժառանգությունը, ձիասպորտի ավանդույթները, ձիավարման արվեստը  և Ադրբեջանի ազգային ոգին։ Կոմպոզիցիայի ավարտին Թուրքիայի  պետության ղեկավարը հոտնկայս ծափահարել է  արտիստներին։
 
Ադրբեջանական պատվիրակության հաջորդ ելույթը կկայանա մայիսի 25-ին և կլինի փառատոնի եզրափակիչ ակորդը, որը միավորում է թուրքական ժողովուրդներին միասնության և եղբայրության ոգով։