Ալիև. Ղարաբաղում և Արևելյան Զանգեզուրում բոլոր նախագծերն ընթանում են ըստ պլանի

Ապրիլի 18-ին Սալյանի շրջանում ադրբեջանական հեռուստատեսությանը տված հարցազրույցում՝ նախագահ Իլհամ Ալիևը անդրադարձել է Ղարաբաղում և Արևելյան Զանգեզուրում ընթացող աշխատանքներին։

Ըստ Ազերթաջի՝ պետության ղեկավարը նշել է, որ նա պարբերաբար հանրությանը տեղեկացնում է՝ Ղարաբաղում և Արևելյան Զանգեզուրում իրականացվող աշխատանքների մասին։

«Ենթակառուցվածքային, երկաթուղիների, ավտոմոբիլային ճանապարհների, էներգամատակարարման, ջրամատակարարման, մելիորացիայի աշխատանքների հետ կապված բոլոր նախագծերն ընթանում են պլանի համաձայն։ Երկու օդանավակայան արդեն գործում է, երրորդի շինարարությունը շարունակվում է»,- ասել է նախագահ Իլհամ Ալիևը։