ԵՄ չորս երկրներ խնդրում են Եվրահանձնաժողովին ապահովել Ադրբեջանից գազի մատակարարումը
Հունգարիան, Ռումինիան, Բուլղարիան և Սլովակիան դիմել են Եվրահանձնաժողովին՝ խնդրելով միջոցներ հատկացնել Եվրոպային ադրբեջանական գազի մատակարարման համար ենթակառուցվածքների զարգացման նպատակով։ Խոսքը ենթակառուցվածքների զարգացման, նոր փոխկապակցիչների կառուցման և եղածների թողունակության ավելացման մասին է։
Ինչպես հաղորդում է Caliber.Az-ը՝ վկայակոչելով հունգարական լրատվամիջոցներին, այս մասին հայտարարել է Հունգարիայի արտգործնախարար Պետեր Սիյարտոն Բուդապեշտում Ադրբեջանի էկոնոմիկայի նախարար Միքայիլ Ջաբբարովի հետ համատեղ մամուլի ասուլիսի ժամանակ։
«Բուլղարացիների, ռումինացիների և սլովակների հետ միասին մենք դիմել ենք Եվրահանձնաժողովին, որպեսզի նա առաջնահերթ կարգով զբաղվի այս հարցով և ֆինանսական աջակցություն ցուցաբերի տարածաշրջանում ենթակառուցվածքների զարգացման համար, որոնք անհրաժեշտ են ավելացված քանակությամբ ադրբեջանական գազի մատակարարման համար՝ Թուրքիայի, Բուլղարիայի, Ռումինիայի, Հունգարիայի և Սլովակիայի տարածքով: Սա շատ կարևոր է Հարավային և Կենտրոնական Եվրոպայի էներգետիկ անվտանգության ապահովման առումով», - ասել է Սիյարտոն:
editor@caliber.az
+994 55 444-88-98
Азербайджан, Баку, ул. Низами, 203, Af Business House, 5-й этаж