ԶԼՄ-ներ. Փաշինյանը Հայաստանի բոլոր ուժային կառույցները կդնի Արևմուտքի վերահսկողության տակ

«Գաղտնիք չէ, որ Նիկոլ Փաշինյանը իշխանության գալու առաջին իսկ օրվանից ամեն ինչ արեց՝ պետական համակարգից հեռացնելու համար բոլոր նրանց, ովքեր դրական են վերաբերվում հայ-ռուսական դաշնակցային հարաբերություններին։ 44-օրյա պատերազմից հետո Փաշինյանի վախը ռուսական ազդեցության տակ գտնվող գործիչների նկատմամբ ուժեղացավ, և նա սկսեց նրանց անվանել հինգերորդ շարասյուն»։

Ինչպես հայտնում է Caliber.Az-ը, այս մասին գրում են հայկական ԶԼՄ-ները։

«Փաշինյանն առանց վարանելու բանակի գեներալներին հինգերորդ շարասյուն հայտարարեց: Այս վարկանիշը ստացել են բոլոր նրանք, ովքեր անցել են Ռուսաստանի Դաշնության բարձրագույն սպայական դպրոցը։ ԱԱԾ-ն թուլացնելու համար, որն ավանդաբար սերտ հարաբերություններ է ունեցել ռուսական գործընկերային կառույցի հետ, Փաշինյանի կառավարությունը ստեղծեց Արտաքին հետախուզության ծառայությունը, որը վստահեց արևմտյան ազդեցության գործակալին։

Կարծես թե արդեն հասել է ՌԴ ԱԴԾ-ի հետ կապերը խզելու վերջին փուլը։ Մի քանի շաբաթ առաջ իշխանությունները օրենսդրական փոփոխություն են ընդունել, ըստ որի՝ ԱԱԾ պետ դառնալու համար բարձրագույն սպայական կոչում չի պահանջվում։ Առկա տեղեկությունների համաձայն՝ Փաշինյանը պատրաստվում է առաջիկայում ազատվել ԱԱԾ պետ Արմեն Աբազյանից, և այս օրենքն ընդունվել է հենց այդ նպատակով:

Արմեն Աբազյանի փոխարեն ԱԱԾ պետ է դառնալու Արմեն Գրիգորյանը, ով զինվորական կոչում չունի։ Այդպիսով Փաշինյանը Հայաստանի ուժային կառույցնրը կդնի Արևմուտքի լիակատար վերահսկողության տակ»,- ասված է հաղորդագրությունում։