Իլհամ Ալիև. Հայկական մշակութային ժառանգությունը պաշտպանում է ինչպես Բաքվում, այնպես էլ Ղարաբաղում

«Պատերազմի ավարտից հետո բազմաթիվ այցելություններ են եղել եվրոպական որոշ երկրների դեսպանատների ներկայացուցիչների, քաղաքական գործիչների, խորհրդարանների նախագահների, լրագրողների կողմից։ Նրանք բոլորն ականատես են եղել Ադրբեջանի մշակութային ժառանգության ամբողջական ոչնչացմանը։ Նրանք չեն տեսել հայկական մշակութային ոչ մի ժառանգության ոչնչացում։ Ընդհակառակը, հայկական մշակութային ժառանգությունը պաշտպանվում է և՛ Բաքվում, և՛ Ղարաբաղում»։

Ինչպես հայտնում է Caliber.Az-ը, այս մասին հայտարարել է Ադրբեջանի նախագահ Իլհամ Ալիևը՝ Եվրախորհրդարանի արտաքին կապերի հանձնաժողովի նախագահ Դևիդ Մակալիսթերի գլխավորած պատվիրակությանը ընդունելու ժամանակ։