Թրամփը հրապարակել է Իլհամ Ալիևի հետ հանդիպման տեսակադրերը

ԱՄՆ նախագահ Դոնալդ Թրամփը Truth Social-ում հրապարակել է տեսանյութ, որտեղ ներկայացված են Սպիտակ տանը Հայաստանի և Ադրբեջանի առաջնորդների հետ իր հանդիպման կադրերը։

Ինչպես հաղորդում է Caliber.Az-ը, տեսանյութում ներկայացված են առաջնորդների ելույթներից հատվածներ։

«Ինձ համար մեծ պատիվ է բոլորին ողջունել Սպիտակ տանը՝ Հայաստանի և Ադրբեջանի միջև այս իսկապես պատմական խաղաղության գագաթնաժողովին», - ասել է Թրամփը։

Ադրբեջանի նախագահ Իլհամ Ալիևը շնորհակալություն է հայտնել Թրամփին կարգավորման գործում ունեցած ներդրման համար՝ նշելով, որ նախագահ Թրամփը խաղաղություն է բերում Կովկասին։

«Մենք շնորհակալ ենք դրա համար։ Մենք կփակենք առճակատման, դիմակայության և արյունահեղության էջը», - ասել է նա։

«Այսօրվա մեծ նվաճումը Ձեր համաշխարհային առաջնորդության և համաշխարհային ասպարեզում պետական գործչի և խաղաղարարի Ձեր ժառանգության ևս մեկ ապացույց է», - ասել է Հայաստանի վարչապետ Նիկոլ Փաշինյանը։