Մեծ Բրիտանիան հայտարարում է Աղդամի ճանապարհի կարևորության մասին

Միացյալ Թագավորության կառավարական կայքը հրապարակել է ԵԱՀԿ-ում Մեծ Բրիտանիայի մշտական ներկայացուցիչ Նիլ Հոլանդի հայտարարությունը Լաչինի և Աղդամի երթուղիների վերաբերյալ։

Ինչպես տեղեկացնում է Caliber.Az-ը, հայտարարության մեջ ասվում է. «Միացյալ Թագավորությունը շարունակում է խորապես մտահոգված մնալ «Լաչինի միջանցքի» շարունակական խափանումներով (չակերտները - Խմբ.) և տեղի բնակչության համար դրա հետ կապված մարդասիրական հետևանքներով, մասնավորապես՝ դեղամիջոցների մատակարարման, բժշկական սպասարկման և այլ անհրաժեշտ ապրանքների և ծառայությունների հետ կապված: Հետևաբար, շատ կարևոր է, որ կատարվի Միջազգային դատարանի 2023 թվականի փետրվարի որոշումը՝ «Լաչինի միջանցքով» երկու ուղղություններով անխափան երթևեկությունն ապահովելու համար։

Մեծ Բրիտանիան նաև կոչ է անում կողմերին ապահովել ԿԽՄԿ-ի կողմից առկա բոլոր երթուղիների օգտագործումը, ինչպիսին է, օրինակ, Աղդամի ճանապարհը, որպեսզի կազմակերպությունը կարողանա իրականացնել իր կենսական նշանակություն ունեցող աշխատանքը: Բոլոր կողմերը պետք է ձեռնպահ մնան խաղաղ մարդասիրական օգնության հետագա քաղաքականացումից բնակչության կարիքները բավարարելու համար:

Մեծ Բրիտանիան իր մտահոգությունն է հայտնում լարվածության աճի կապակցությամբ, ինչը վերջին շրջանում սահմանի խախտումների հաճախակիացման և զորավարժությունների թվի աճի հետևանք է։ Մենք համոզված ենք, որ այս հակամարտությունը չի կարող լուծվել ռազմական ճանապարհով, և երկու կողմերին կոչ ենք անում կրկնապատկել իրենց ջանքերը՝ միջազգային միջնորդությամբ բանակցություններում առաջընթացի հասնելու համար», - հայտարարել է Նիլ Հոլանդը: