Ադրբեջանի ԱԳՆ-ը հաջողություն է մաղթել Թուրքիային և Ավստրալիային՝ COP31-ում

Ադրբեջանի արտաքին գործերի նախարարությունը շնորհավորել է Թուրքիային՝ COP31-ի հյուրընկալող երկիր ընտրվելու և Ավստրալիային՝ բանակցային գործընթացի նախագահ ընտրվելու կապակցությամբ։
 
Ինչպես հաղորդում է Caliber.Az-ը, այս մասին ասվում է X սոցիալական ցանցում՝ արտաքին քաղաքական գերատեսչության հրապարակման մեջ:
 
«Մենք անկեղծորեն շնորհավորում ենք եղբայրական Թուրքիային՝ ՄԱԿ-ի Կլիմայի փոփոխության մասին շրջանակային կոնվենցիայի կողմերի համաժողովի (COP31) 31-րդ նստաշրջանը որպես հյուրընկալող երկիր ընտրվելու և Ավստրալիային՝ բանակցությունների նախագահ ընտրվելու կապակցությամբ։
 
Որպես COP29-ի նախագահող երկիր՝ Ադրբեջանը կգործադրի բոլոր ջանքերը՝ այս կարևոր առաքելության հաջող իրականացմանը աջակցելու համար։
 
Մենք հաջողություն ենք մաղթում երկու երկրներին և վստահ ենք, որ COP31-ը զգալի ներդրում կունենա կլիմայի փոփոխության դեմ պայքարի համաշխարհային ջանքերում», - ասվում է Ադրբեջանի արտաքին գործերի նախարարության հրպարակման մեջ։