Շուշայում անցկացվել է Ադրբեջանի և Թուրքայի ուղեղային կենտրոնների առաջին ֆորումը

Շուշայում տեղի է ունեցել Ադրբեջանի  և Թուրքայի  ուղեղային կենտրոնների առաջին ֆորումը, որը կազմակերպել էր Միջազգային հարաբերությունների վերլուծության կենտրոնը (ՄՀՎԿ): Ֆորումին մասնակցել են՝ երկու երկրների առաջատար վերլուծական ինստիտուտների ղեկավարներ, փորձագետներ և ակադեմիական շրջանակների ներկայացուցիչներ։
 
AzerTac-ը հաղորդում է, որ մեկ րոպե լռությամբ հարգվել է նահատակների հիշատակը։
 
Ֆորումում ելույթ են ունեցել ՄՀՎԿ-ի խորհրդի նախագահ Ֆարիդ Շաֆիևը և Թուրքիայի արտաքին գործերի նախարարության ռազմավարական հետազոտությունների կենտրոնի նախագահ Փոլաթ Սաֆին։ Նրանց ելույթներում ընդգծվել է ադրբեջանա-թուրքական ռազմավարական դաշինքի հետագա ամրապնդման կարևորությունը՝ տարածաշրջանում ի հայտ եկող նոր աշխարհաքաղաքական իրողությունների պայմաններում։ Ելույթ ունեցողները նշել են, որ ուղեղային կենտրոնների միջև համագործակցությունը նպատակ ունի ուժեղացնել՝ երկու երկրների արտաքին քաղաքականության վերլուծական աջակցությունը։
 
Ֆորումը ներառել է երեք պանելային նիստ։
 
Առաջին նիստում քննարկվել են՝ Ադրբեջանի և Թուրքիայի արտաքին քաղաքականության հիմնական միտումները, կովկասյան տարածաշրջանում փոփոխվող անվտանգության ճարտարապետությունը և երկու երկրների միջև դիվանագիտական ​​փոխգործակցության հնարավորությունները։
 
Երկրորդ նիստը կենտրոնացած էր՝ Թուրքական պետությունների կազմակերպությանը ինտեգրման հեռանկարների, տնտեսական և տրանսպորտային համագործակցության ընդլայնման և  միասնական վերլուծական մոտեցումների մշակման վրա։
 
Երրորդ նիստում քննարկվել են՝ տրանսպորտի, կապի և էներգետիկ համագործակցության ռազմավարական նշանակությունը, Զանգեզուրի միջանցքի և Միջին միջանցքի զարգացումը, ինչպես նաև Ադրբեջանի և Թուրքիայի միջև էներգետիկ դիվանագիտության նոր ուղղությունները։

13:44

Միջազգային հարաբերությունների վերլուծության կենտրոնի (ՄՀՎԿ) կազմակերպչական աջակցությամբ ընթանում է առաջին Շուշայի ֆորումը Ադրբեջանի և Թուրքիայի վերլուծական կենտրոնների մասնակցությամբ։

Report-ի փոխանցմամբ՝ ֆորումին մասնակցում են երկու երկրների առաջատար վերլուծական կենտրոնների ղեկավարներ և հետազոտողներ։

Միջոցառմանը կքննարկվեն տարածաշրջանային անվտանգության, արտաքին քաղաքականության, տնտեսական ինտեգրման, տրանսպորտի, կապի և էներգետիկայի ոլորտներում համագործակցության հեռանկարները։

Առաջին Շուշայի ֆորումը կարևոր է ադրբեջանական և թուրքական վերլուծական կենտրոնների միջև ինստիտուցիոնալ գործընկերության ամրապնդման, համատեղ գիտավերլուծական հարթակներ ստեղծելու և ապագա ռազմավարական նախաձեռնությունները համակարգելու համար։

ՄՀՎԿ խորհրդի նախագահ Ֆարիդ Շաֆիևը նշել է, որ Ադրբեջանն ու Թուրքիան հաստատել են օրինակելի ռազմաքաղաքական համագործակցություն։

Նա նշել է, որ տարածաշրջանի քաղաքական լանդշաֆտը արմատապես փոխվել է. «Կան մի շարք ոլորտներ, որոնցում մենք պետք է սերտորեն համագործակցենք Թուրքիայի հետ։ Այս փուլում մենք պետք է ջանասիրաբար աշխատենք, որպեսզի մեր քաղաքականության հիմնական տարրերը լինեն համանման։ Հայաստանի հետ իրավիճակի կարգավորման գործընթացը շարունակվում է։ Վերջերս Հայաստանի քաղաքացիական հասարակության ներկայացուցիչները այցելեցին Ադրբեջան։ Հիմա Հայաստանում խոսում են խաղաղության մասին, բայց դրա հետևում Ադրբեջանի հաղթանակն է։ Առանց այս հաղթանակի նրանք չէին խոսի խաղաղության մասին։ 2019 թվականին Հայաստանի առաջնորդն ասաց. «Ղարաբաղը Հայաստան է»։ Սա չպետք է մոռանալ»։